CONTACONTOS NA EIM AGRA DO ORZÁN

Lembrades cando vos contamos que foramos ler un contiño de Nadal ás escolas infantís do barrio? Pois, visitámolas outra vez! O pasado xoves, acudimos á EIM veciña para representar unha versión dramatizada do libro de Anna Llenas, O monstro de cores.

Actuamos para os máis pequenos e pequenas da escola. Encantoulles!

Logo, as mestras deleitáronnos cunha obriña dos tres porquiños en sombras chinescas. 

Ao día seguinte, os e as maiores da escola infantil visitaron a nosa bilioteca e volvemos actuar.

Logo, da función, todos e todas bailamos a canción de Marina y los emoticantos: El baile de las emociones.

Grazas a EIM pola súa colaboración e disposición para poder realizar estas actividades! A comunicación entre os e as que nos dedicamos a educar no barrio resulta esencial.

CONTOS CURTOS I

Hoxe, como ides ver, temos dúas entradas de Contos Curtos.

O venres 15 pola tarde estivemos contando un conto no noso barrio, na Libraría Suevia: Hai algo máis aburrido que ser unha princesa rosa? A actividade foi anunciada en prensa, como podedes ver: 

 Este foi o marabilloso público:

Ei aquí as fantásticas e fantásticos conta contos:

Moitísimas grazas a todas pola vosa presenza. A Paula, Sheila, Sabela, Bruno, Gabi, Gari, Raquel, Yaiza, Amanda, Noa.V e Noa.B; polo seu traballo tan profesional, o esforzo e a ilusión.

E moitas grazas á Libraría Suevia, por acollernos con tanto cariño nese espazo no que as historias son o alicerce que move o mundo.

PARABÉNS!!!

CONTACONTOS NAS ESCOLAS INFANTÍS DO BARRIO

Chegou o Nadal e, desde a nosa Biblioteca Escolar Solidaria, preparamos unha actividade para achegar aos máis pequenos e pequenas ao marabilloso mundo dos libros. Adaptamos ao galego o conto Dear Santa de Rod Campbell e Karina e Xiao de 6º de EP prepararon unha sinxela interpretación para levala de xira polas escolas infantís da zona.
Visitamos a EIM Agra do Orzán e a EI O Ventorrillo (por certo, grazas por acollernos) e a función foi un éxito de público e crítica.
Esta converteuse na primeira doutras visitas que, ao longo do curso, brindaremos a algunhas institucións do barrio.