É un orgullo para nós presentar este vídeo, que é a nosa felicitación de Nadal, feito por unha ex alumna do noso colexio, Aldara Sánchez, á que agradecemos tanto cariño.
FELIZ NADAL DE PELÍCULA PARA TODA A COMUNIDADE EDUCATIVA DO CEIP. RAQUEL CAMACHO!!!
Moitas grazas, Aldara!!!
Prezado Hematocrítico, queremos que saibas que desfrutamos moito dos teus libros, que sempre formaran parte da nosa infancia, que somos lectores e lectoras grazas a historias como as túas, que rimos con elas e que somos persoas afortunadas porque estiveches no noso colexio.
Velaquí a nosa sentida homenaxe!
É unha marabilla ver como o noso colexio vai asemellándose a unha gran sala de cine. E para mostra...
Hoxe na nosa sección de cine, a escena " El tren fantasma", da película "Los cazafantasmas 2".
O sábado día 11 foi o Día das Librarías, e xa que este curso o noso proxecto está relacionado co cine, aquí vos deixamos un vídeo dunha das librarías máis fermosas do mundo, está en Portugal e chámase "Libraría Lello". E sabedes a quen inspirou para escribir un libro do que logo se fixeron películas? Pois da saga Harry Potter.
A súa autora, J.K. Rowling, estaba vivindo en Oporto (Portugal) cando empezou a escribir os libros, e esta librería foi fonte de inspiración para ela.
Como vedes, o cine e a literatura van, en moitas ocasións, collidos da man-
AS COMPAÑEIRAS E COMPAÑEIROS DA AULA DE 2ºC, XA SABEN QUEN FORON OS IRMÁNS LUMIERE!!!
ISO SI, NON DEIXEDES DE DUCHARVOS DESPOIS DE VELA...!
De que película é?
Na Francia de 1895, dous irmáns fotógrafos, os Lumière, despois de darlle moitas voltas ao invento do que xa falamos noutra entrada deste blog, o Kinetoscopio, patentaron algo máis revolucionario, o CINEMATÓGRAFO. Este aparato proxectaba a imaxe en movemento e o facía nunha gran pantalla, deste xeito, moitas persoas podían compartir a experiencia do cine ao mesmo tempo.
A primeira película que proxectaron foi " La salida de los obreros de la fábrica Lumière en Lyon" o 28 de decembro de 1895.
Velaí a tedes!
Sen dúbida, a música, é tamén unha parte importante das películas, e son moitas as bandas sonoras que se fixeron famosas e forman parte da nosa memoria musical.
Os venres, iremos alternando a música cos libros. Xa que tamén son moitas as novelas que logo foron levadas ao cine.
E, como estamos no mes do Samaín, empezamos cunha de terror. A banda sonora da película, Drácula de Bram Stoker.
No noso proxecto "Un curso de película", iremos coñecendo a distintas persoas que, coa súa profesión, fan posible que poidamos sentarnos e desfrutar dunha película, unha serie ou unha obra de teatro.
Os actores e actrices, forman parte de esa caixa máxica que é o cine, e que nos agasalla momentos marabillosos.
O actor Nacho Pena falounos dos seus inicios, do seu tempo en compañías de teatro, dos teatros que percorreu, da súa preparación para ser actor, mais unha das cousas importantes que nos contou foi a importancia de observar o que nos rodea. Se queremos crear un personaje, mesmo escribir un libro, ou para calquera tipo de creación artística, o máis importante, como dixo Nacho Pena, é esa observación do que nos rodea. Nun aceno, no que está a acontecer ao noso redor, podemos atopar o xeito de crear a nosa personaxe.
Velaí un vídeo da súa visita!
Moitas grazas, Nacho!!!
Ao longo do curso, coñeceremos escenas dalgunhas das películas máis famosas da historia do cine.
Hoxe, unha escena da película " El jovencito Frankestein". Esta película é do ano 1974, foi dirixida por Mel Brooks, e o guión, pois é fundamental escribir primeiro a historia para logo levala ás imaxes, foi escrito polos guionistas Brooks e Wilder.
O que conseguiron estes dous guionistas e o director, foi transformar o terror en comedia. É dicir, esta película creou un xénero en si mesmo, o terror cómico.
Unha anécdota desta película, foi que o actor Gene Wilder, un dos protagonistas, era tan malo aguantando a risa, que tiñan que rodar case quince tomas para que se acostumase ao chiste e conseguira aguantar a risa.
Está basada na novela, Frankesntein o el moderno Prometeo, da escritora Mary Shelley.
Empezamos un novo curso e xa sabedes que nos encanta coñecer as vosas opinións sobre os libros que estades a ler. O único que tedes que facer é pasar pola biblioteca e facemos o vídeo.
ESPERAMOS POR VÓS, BOOKTUBERS!!!
Xa estamos de volta! Un curso máis compartiremos, desde este blog, libros, curtas de animación, a Comunidade de Booktubers, o noso proxecto da biblioteca "Un curso de película", e todo o que vos apeteza. Propoñede e o faremos!
E, como sempre, empezamos cunha curta de animación!
Xa que empezou o outono, velaí vai unha fermosa curtametraxe de animación!
AUTOMNE
Este blog marcha de vacacións, pero o vindeiro curso prometemos estar aquí con máis contidos, emocións, sorpresas e todo o que vós queirades.
Queremos agradecervos, desde o Equipo da Biblioteca, a vosa colaboración e complicidade, tamén o voso traballo e ilusión. Os libros, coas súas historias, e a biblioteca, non teñen sentido sen ese marabilloso voluntariado, os usuarios e usuarias, a Comunidade de Booktubers, os conta contos...
A derradeira imaxe deste curso é para o Club Lector Tusitalas. Grazas polas palabras compartidas!
Que teñades un feliz verán. Cheo de risas e libros!!!
