COMUNIDADE DE BOOKTUBERS. LUCAS

Aínda que fixemos un vídeo con varios dos e das booktubers que formaron parte desta comunidade, temos unha nova incorporación e non podiamos deixar de publicala.

O noso compañeiro Lucas, de 5ºB, recomenda...

DESPEDIDA, POR ESTE CURSO, DA COMUNIDADE DE BOOKTUBERS.

Durante este curso, moitos compañeiros e compañeiras, formaron parte da Comunidade de Booktubers, un espazo no que compartiron os libros que leron e gozaron con todos e todas vós.

Moitas grazas a esta gran comunidade lectora!!!

LETRAS GALEGAS 2026

Xa sabedes que temos radio no noso colexio, este é o fermoso logo e nome, que é obra de Ivo e Sofía da aula de 5ºC.

E a estreamos ao grande, con dous podcast das Letras Galegas 2026, dedicado a Begoña Caamaño e nos que recibimos no colexio a Radio Nacional de España, da man da xornalista Rosalía Martínez Olmos.

Para escoitalos, só tedes que entrar neste enlace da web do noso colexio e atoparedes os enlaces para escoitar os dous podcast, premendo neste enlace:  O Raquel nas ondas

Neste programa participaron os vosos compañeiros e compañeiras: Marco, Xulia, Olivia, Khadija e Noa. Moitos parabéns!!!

E tamén podedes escoitalo no Portal da Lingua, premendo neste enlace: Portal da lingua

CURTAS ANIMADAS

 Desde este blog, que semana a semana, acompañounos, desexamos que o voso verán sexa coma o final desta curta animada, divertido e con fermosas postas de sol.

ANDANDO A TERRA: MARROCOS

 Seguimos andando a terra e a nosa parada de hoxe é nun país moi fermoso e que ten unha cidade pintada toda de azul, Chefchaouen!

Aquí vos deixamos un vídeo para que coñezades mellor este interesante país!

CURTAS ANIMADAS

 A curta animada de hoxe fala de algo moi necesario e importante. A ver se sabedes que é? Está basado no libro homónimo da autora brasileira Cris Paz.

O MENINO QUE ENGOLIU O CHORO

LETRAS GALEGAS 2026.

Queredes seguir coñecendo a Begoña Caamaño? Pois escoitade esta entrevista do programa "A conversa", no que a autora nos conta como empezou no xornalismo e tamén como empezou a escribir.

ANDANDO A TERRA. SENEGAL

 Hoxe imos coñecer un país moi fermoso e que é o lugar de nacemento de moitos e moitas das nosas compañeiras e compañeiros, Senegal. Un dos 54 países que conforma o continente africano.

CURTA ANIMADA

GOOD INTENTIONS

 

LETRAS GALEGAS 2026

Entramos no mes do Día das Letras Galegas e, para que vaiades coñecendo á autora á que se lle dedican este ano, Begoña Caamaño, aquí tedes un telexornal feito polo alumnado do CPI dos Dices, no que xa podedes empezar a coñecer a esta xornalista e escritora tan interesante.

CURTA ANIMADA

Pois agora que chega o tempo de ir á praia e para que riades un pouco ...

 

SEMANA DO LIBRO. COMUNIDADE DE BOOKTUBERS.

 Alexa e Daniela de 5ºA, recomendan ...

QUEREMOS DAR AS GRAZAS, NESTE DÍA DO LIBRO, A TODAS AS COMPAÑEIRAS E COMPAÑEIROS QUE FACEDES POSIBLE A COMUNIDADE DE BOOKTUBERS!

DÍA DO LIBRO.

Ler as nosas compañeiras e compañeiros é unha das máis fermosas formas de comunicarnos e compartir. Por iso, gozamos escollendo lecturas para lerlles aos máis pequenos. Aquí vos deixamos un vídeo que demostra o felices que somos todos e todas compartindo historias.

SEMANA DO LIBRO. CURTA ANIMADA.

Como todos os anos, e fieis a nosa tradición na semana do libro, escollemos o noso corto favorito, "Los fantásticos libros voladores del Sr. Morris Lessmore. 

Unha historia  de persoas que dedican a súa vida aos libroe e, ao mesmo tempo, todo o que eles lles dan.

Gozade desta fermosa curta animada!!!

ANDANDO A TERRA. CUBA

 Hoxe imos coñecer un país moi especial para todos os galegos e galegas, xa que somos moitas as persoas que temos na nosa familia alguén que, no pasado, emigrou a Cuba.

E tamén, dentro da súa cultura, a música, que chegou todos os lugares do mundo!

Aquí unha cantas marabillas deste país!

Imos coñecer máis sobre Cuba!

Coñecedes o fantástico hip hop cubano. Neste vídeo da man de Danay Suárez.

E agora, unha canción que todo cubano coñece, e os que non o son, tamén. A letra é dun poeta moi importante en Cuba, José Martí. Neste vídeo, cantada por máis de 75 cubanos, "Playing for Change"

VISITOUNOS...

Estivo connosco Fina Casalderrey e, a palabra e a imaxinación voaron pola nosa biblioteca coma a brisa do verán. Hai momentos inesquecibles, e esta mañá, sempre quedará nos nosos corazóns.

Agradecer a Olivia e Ousmane a entrevista, que como verdadeiros xornalistas, fixeron a nosa autora.

Moitas grazas, Fina!!!

CURTAS ANIMADAS

Con esta curta animada, gustaríanos provocar unha reflexión sobre...?

ANDANDO A TERRA. BRASIL

Imos coñecer un país marabilloso, que seguro que coñecedes por unha das súas paixóns, o fútbol. Pero Brasil, non é só o país do fútbol, tamén ten outras curiosidades. Imos aló!

COMUNIDADE DE BOOKTUBERS.

 Noa e Lili de 5ºA, fan unha recomendación moi interesante. Escoitade!

Moitas grazas ás dúas!!!

CURTAS ANIMADAS.

 O 21 de marzo é un día moi fermoso, empeza a primavera e por iso é tamén o Día da Poesía.

Segundo a mitoloxía, o equinoccio da primavera simboliza o renacer, a fertilidade e a vitoria da luz sobre a escuridade. No mito grego de Perséfone, ela regresa do inframundo xunto a súa mai Deméter, provocando que a natureza floreza tras o inverno. Mais, na mitoloxía celta, o equinoccio celebra o equilibrio perfecto entre a luz e a escuridade, sendo o punto de partida do crecemento.

En cada mito hai unha historia, mais todas teñen un carácter profundamente agrícola, marcando a esperanza das boas colleitas e o fin do frío inverno.

Mais, por ser este o día que comeza a primavera, a UNESCO en 1999, durante a súa 30ª Conferencia Xeral en Paris, promoveu esta iniciativa para promover a diversidade lingüística, homenaxear as poetas, revivindo as tradicións orais dos recitais e para promover o ensino da poesía nas escolas. Tamén, a UNESCO considera que a poesía é unha das formas máis puras de expresión da nosa humanidade común e un poderoso catalizador para o entendemento entre culturas.

E, agora, unha fermosa curta sobre a primavera!

SPRING

COMUNIDADE DE BOOKTUBERS.

 Natalia de 5ºB e Ainhoa de 5ºA, recomendan...

Moitas grazas ás dúas!!!

CURTAS ANIMADAS.

Canto valorades vós a amizade? 

8M. DÍA INTERNACIONAL DA MULLER

 E para rematar a semana, escoitemos a voz de, La Boliviana, moi acaída para esta data e para todos os días!

CON TODOS VÓS, LILÍ GRUYÉRE!

Esta semana, tivemos a honra, na nosa biblioteca, de contar cunha conta contos moi especial, Lilí Gruyère.

Ela forma parte do grupo de Teatro Trinke trinke, e tamén é a nosa compañeira Vanessa. Aquí vos deixamos unha reportaxe para que gocedes do máxico momento.

Moitas grazas, Lilí Gruyère!

8M. DÍA INTERNACIONAL DA MULLER

 Hai mulleres que loitaron para ir acadando a igualdade, imos coñecer algunhas delas:

Que nada nos defina. Que nada nos sujete. Que la libertad nuestra propia sustancia.

Simone de Beauvoir.

Eu son libre, nada pode conter a marcha dos meus pensamentos e eles son a lei que rexe o meu destino.

Rosalía de Castro.

No seré una mujer libre, mientras siga habiendo mujeres sometidas.

Audre Lorde.

Cree en ti misma y serás imparable.

Emily Dickinson.

La libertad se aprende ejerciéndola.

Clara Campoamor.

Pero vós podedes buscar máis e tamén podedes escribir algunhas, porque...

8M. DÍA INTERNACIONAL DA MULLER

O 8 de marzo é o Día Internacional da Muller. Sabedes porque se escolleu este día?

 

LULI, ACHÉGANOS ARXENTINA.

O pasado martes, tivemos a sorte de contar cunha mai de tres alumnas e alumnos do noso colexio, procedentes de Arxentina, que nos falou das marabillas deste país: da súa comida, bailes, música, entroido, mais tamén da súa historia. 

Non hai nada mellor que escoitar a quen coñece ben un país, e nós, moi agradecidas pola complicidade e a participación neste o noso proxecto, Andando a terra, e da nosa comunidade educatica. Seguimos!

MOITAS GRAZAS, LULI!!!

CON TODOS VOSTEDES, O GRUPO "MÚSICA MIUDA"

Este venres, tivemos o pracer de gozar da música e dos contos con Irene e Oscar, que forman o grupo, Música miuda. Alegraron a mañá coas súas cancións, trouxeron a Carapuchiña Vermella, tamén pasou o lobo e até, entre todas, fixemos unha cesta na que fomos metendo unha morea de alimentos.

O pasamos xenial! Moitas grazas, Música miuda!!!

CURTAS ANIMADAS

JUBILEE

 

O NOSO PROXECTO DA BIBLIOTECA. ANDANDO A TERRA. BOLIVIA.

 Por se nalgún momento viaxades a Bolivia ou Perú, imos coñecer o lago máis grande do mundo, o Lago Titicaca, que está entre estes dous países.

DENTRO DO NOSO PROXECTO, ANDANDO A TERRA. CAPOEIRA NA BIBLIOTECA DA MAN DA NOSA ALUMNA DE 5ºB, NATALIA

Un dos aspectos máis fermosos da nosa comunidade educativa é a variedade de culturas que a conforman, iso fainos persoas máis sabias e respectuosas co diferente, porque desa diferencia é da que realmente aprendemos a formarnos como persoas. O proxecto que empezamos este ano, Andando a terra, non podía empezar de mellor xeito que coa participación dunha das nosas alumnas, Natalia de 5ºC. Ela e a súa familia forman parte de esa comunidade cultural que é a capoeira. Pero, se queredes saber máis, só tedes que ver este vídeo.

Moitas grazas, Natalia!!!

 

CURTAS ANIMADAS

Esta curta animada do ano 2010, inspirada por Lotte Reiniger e curtametraxe de Anthony Lucas, é unha historia de amor nun mundo de engranxes e parafusos. Unha reflexión sobre a vida e o amor nun mundo moderno.

INVENTION OF LOVE

 

O NOSO PROXECTO DA BIBLIOTECA. ANDANDO A TERRA. BOLIVIA.

 Comezamos a coñecer outro fascinante páis, Bolivia. Aquí vos deixamos un vídeo moi interesante para empezar a coñecer a súa cultura, ademais do que poidades preguntarlle aos compañeiros e compañeiras deste país.

O RECUNCHO DA NOSA COMPAÑEIRA E MESTRA ÁNGELES ROCA.

Unha comunidade educativa é, ou debe ser, ese espazo en que todas as persoas aprendemos, mais sempre pensamos que son os alumnos e alumnas as que van ao colexio a adquirir coñecementos, e iso, por suposto, forma parte do que é esa comunidade, mais sen afecto, comprensión, complicidade e ese tecer redes que tan ben soubo facer durante anos a nosa compañeira e mestra, Ángeles, a comunidade estaría incompleta.

As alumnas e alumnos que pasaron polas súas aulas, encontraron nela unha mestra sempre disposta a escoitalas e comprendelas, desde a calma e desde a empatía. Nós, as súas compañeiras, atopamos unha muller cun eterno sorriso e o tempo sempre ao noso favor para escoitarnos, e nunca faltou o sentido do humor, o respecto e a educación que fan que o día a día, a vida, sexa moito mellor.

Hoxe, inauguramos no colexio un espazo no que lembrar ou procurar, esa calma e empatía, que sempre transitou polos corredores do noso colexio da man da nosa compañeira, "O recuncho de Ángeles". 

Grazas, compañeira, segues en nós e con nós, sempre!!!

Tamén queremos agradecer á ONG, Arquitectura sen fronteiras, en especial a Marta, Sonsoles e Sabela; e á Fundación Érguete, con Rosaura e todo o seu equipo, que entre todas fixeron posible que hoxe teñamos este espazo no noso colexio.

Así, con cariño, espírito de comunidade, e persoas especiais, é como facemos comunidade educativa e afectiva, porque ao final, como título dun libro do escritor Agustín Fernández Paz, o único que queda é o amor, e son os seu fíos invisíbeis os que sempre nos manteran unidas.

Aquí vos deixamos un vídeo dunha mañá chea de emocións!

COMUNIDADE DE BOOKTUBERS

 Hoxe, Martina da aula de 1ºB, recomenda ...

CURTA ANIMADA

 Seguro que esta curta animada provocará en vós un reflexión.

Cal destes temas pensades que trata máis en profundidade a curta.

- amizade

- cobiza

- cambio climático

DON'T WORRY BE HAPPY.

Esta semana, queremos despedila con esta mensaxe da plataforma Playing for Change, formada por músicos e cantantes do mundo enteiro, porque das cosas que nos unen, a música é unha delas.

Así, que xa sabedes, Don't worry be happy!!!

CURTA ANIMADA

 Non hai maior poder que o da felicidade e ser persoas positivas!

E vós, que pensades despois de ver esta curta animada?

ENQUISA PLAN DE LECTURA

 Nesta ligazón poderedes ter acceso á enquisa para o Plan de lectura 

ENQUISA PLAN DE LECTURA

DÍA DA PAZ

Moitas grazas a todas as nenas e nenos pola vosa participación coas fermosas mensaxes que enviades para o Día da Paz que, como ben dicides, ten que ser todos os días!

O NOSO PROXECTO DA BIBLIOTECA. ANDANDO A TERRA. ARXENTINA

 Que significa para vós esta viñeta de Mafalda?

CURTAS ANIMADAS

Fermosa historia a de Outdoors!!!

 

O NOSO PROXECTO DA BIBLIOTECA. ANDANDO A TERRA. A SELVA PARANAENSE. ARXENTINA

 Imos facer unha proba. Tedes que gardar silencio durante seis minutos e cuarenta e oito segundos, e así poderedes escoitar os sons da selva paranaense da Arxentina. Até podedes imaxinar que estades alí se vos apetece pechar os ollos. 

CAMIÑO DO DÍA DA PAZ.

Se abrides esta ligazón, poderedes xogar a un xogo de rol sobre como debemos comportamos para solucionar conflictos. 

Xogamos?

 https://view.genially.com/6574c15ddd7b0400141b826c/interactive-content-23-juego-de-rol

CURTAS ANIMADAS

 Sabedes que é un vendedor de fume? Que quere dicir esta expresión cando a utilizamos para describir a unha persoa?

O NOSO PROXECTO DA BIBLIOTECA: ANDANDO A TERRA. ARXENTINA

 Hoxe imos coñecer a comida típica de Arxentina, así se nalgún momento viaxamos a este fermoso país, saberemos que platos son os máis tradicionais.

11 DE XANEIRO. DÍA DO USUARIO E DAS BIBLIOTECAS.

Xa que estamos coñecendo Arxentina e este domingo 11 é o Día do usuario e das bibliotecas, que mellor que unha frase de Mafalda, personaxe creada polo humorista gráfico e historietista arxentino, Quino.

Que opinades do pensamento de Mafalda?

CURTA ANIMADA

Algunha vez esperaches algo con moita ilusión?