Queredes empezar a coñecer algúns dos inventos máis importantes da historia? Pois aquí vos deixamos un vídeo para que os vaides coñecendo.
Ah! E neste enlace do noso Instagram, podedes atopar os libros que van chegando sobre o proxecto: A maxia dos inventos e os medio de comunicación.
https://www.instagram.com/reel/Dd4Cg_Hu2Yo/?utm_source=ig_web_copy_link&stkn=MzRlODBiNWFlZA==
Como todos os cursos, continuamos cunha das actividades que máis nos gusta, recomendar libros. Así que xa sabedes, a partir da vindeira semana, só tedes que vir á biblioteca e gravamos a vosa recomendación do libro que estades a ler neste momento o de algún que líchedes este verán.
É, como recordatorio, vos deixamos o vídeo de despedida dalgún dos compañeiros e compañeiras que formaron parte da Comunidade de Booktubers.
Vémonos!!!
Este curso imos coñecer como empezamos a comunicarnos os seres humanos, porque ao mellor pensades que a linguaxe existe desde as primeiras persoas que habitaron o planeta terra, pero non foi así, mais semana a semana, neste blog e nas aulas, aprenderemos como foi a creación da linguaxe tan importante e tan fermosa.
Mais tamén coñeceremos os inventos e as persoas que os inventaron e, que con ese acto de imaxinación, conseguiron que fósemos evolucionando como especie.
Como vedes, o proxecto promete e estamos seguras de que será moi interesante e sorprendente todo o que aprendamos ao longo deste curso.
Pero queremos empezar cunha chiscadela! Ollade esta imaxe. Hai comunicación ou non? E, se hai comunicación, de que tipo?
Aquí estamos, un curso máis, neste lugar de encontro no que podemos falar de libros, cine, do noso proxecto, das diversas culturas que nos conforman, e no que podedes participar propoñendo entradas sobre temas do voso interese.
E, como todos os anos, queremos empezar o curso con amor e empatía, por iso vos deixamos esta curta de animación: Invention of Love!
