Cando imos medrando, hai moitos momentos, lugares e tamén libros que van quedando na nosa memoria. Seguro que si preguntades na vosa casa ás persoas maiores que conviven con vós, lembran os libros que leron cando eran máis novos, e esa lembranza sempre vai acompañada dun sorriso, de palabras cheas de afecto.
Hai libros, que nos gustaron tanto, que os lemos unha, dúas, tres e ata catro veces e os conservamos ata que somos maiores, como obxectos moi valiosos para nós. Hai libros que deixan en nós a curiosidade por coñecer lugares aos que máis tarde viaxaremos. Hai libros que compartimos, nunha tarde no parque ou na praia, falando cos amigos e amigas desa historia que nos fixo rir, chorar, pensar, asustarnos... porque os libros están cheos de emocións e axúdannos a entendelas.
Como emocionante é recibir na nosa biblioteca ás autoras e autores que veñen compartir o seu tempo con nós, un fermoso agasallo que sempre recibimos con ilusión. Nesta ocasión, e para celebrar o Día da Literatura Infantil e Xuvenil, pasamos unha mañá co Hematocrítico, un autor que é un dos favoritos da biblioteca e que agora xa forma parte nosa andaina literaria na biblioteca.
Moitas grazas!!!
Ningún comentario:
Publicar un comentario