O BANCO MÁIS FERMOSO DO MUNDO ESTÁ EN GALICIA?
Este banco, sobre os acantilados de Loiba, ten fama de ser o máis fermoso do mundo.
Podemos visítalo en calquera momento, só temos que achegarnos a Ortigueira (A Coruña). Sentarnos nel en silencio e contemplar as impresionantes vistas que van desde o Cabo Estaca de Bares ata Cabo Ortegal.
Hai algún tempo, alguén, escribiu ao seu carón: "The best bank in the world".
Esta fotografía foi elixida entre as mellores fotografías nocturnas do ano polo proxecto TWAN. Un concurso de moito prestixio, que busca os ceos nocturnos máis fermosos do mundo.
O fotógrafo é Dani Caxete, tamén galego, nado en Viveiro.
Dani pasou moitas noites esperando para ter un ceo tan fermoso, limpo e cheo de estrelas como o que vedes na súa fotografía.
E que xa se sabe. Se queres conseguir algo tes que teimar, e case seguro o teu desexo cumprirase.
Ningún comentario:
Publicar un comentario