Pois foi un galego, Alexandro Finisterre, poeta, editor e inventor. Naceu en Fisterra no ano 1919, e foi o inventor do futbolín. Esta é a súa historia.
En España, no ano 1936, había unha guerra, a Guerra Civil. En novembro dese mesmo ano nun dos bombardeos, Alexandro Finisterre, que vivía nese momento en Madrid, quedou sepultado polo efecto das bombas. Como as feridas eran moi graves, levárono ao hospital de Monserrat.
Alí coñeceu moitos nenos feridos como el, que non podían xogar ao fútbol. Foi nese momento cando se lle ocorreu inventar o futbolín, inspirándose no fútbol de mesa.
Alexandro falou co seu amigo Francisco Javier Altuna, que era un carpinteiro vasco, e encargoulle a fabricación do primeiro futbolín, segundo as súas instrucións.
Nese momento non conseguiu que o seu invento fose fabricado a nivel industrial, xa que todas as fábricas de xoguetes estaban nese momento producindo armas para a guerra.
Logrou patentar o seu invento en Barcelona, en xaneiro de 1937, ao mesmo tempo que inventou un pasafollas de partituras que se accionaba co pé, creado para unha rapaza pianista da que estaba namorado.
Así que xa vedes, como case sempre, os inventos nacen da necesidade que unha persoa sinte ou percibe que outras persoas sinten por ter un obxecto, que failles a vida mais feliz ou mais doada.
Ningún comentario:
Publicar un comentario