martes, 12 de mayo de 2015

SABEDES QUE ...


O LUME FOI UN INVENTO MOI IMPORTANTE PARA A HUMANIDADE?





Cando apareceu?

Suponse que o home prehistórico coñeceu o lume pola erupción dun volcán, un incendio ou a caída dun raio.
Pero non foi ata hai 350.000 anos cando o home de Atapuerca comezou a utilízalo.
Na súa orixe, o maior problema residía en coidalo para mantelo aceso ata que coñeceron como acendelo e alimentalo con combustible.
Na prehistoria utilizábase para cociñar os alimentos crus; manter afastados a animais perigosos; quentarse; as súas chamas servían como armas nas loitas e cazarías e o seu fume serviu para efectuar as primeiras comunicacións.
Posteriormente utilizouse para alumarse nas horas de escuridade (mediante velas...); en fornos... e un sen fin de cousas cotiás.
Grazas á súa aparición a civilización puido chegar onde estamos agora, achegou ao home protección ante o frío, alumeamento...

Entre os seus inconvintes ambientais, na actualidade, atopámonos con que é utilizado en ocasións de mala maneira por algunhas persoas, que provocan incendios, e que  a  combustión que produce emite gases tóxicos.

Así que xa sabedes, se ides de excursión e prendedes un lume tede moito coidado de onde o facedes, e sobre todo, asegurádevos de que o deixades moi ben apagado. Os nosos bosques son unha das cousas mais importantes para a nosa supervivencia.

No hay comentarios:

Publicar un comentario