Hoxe é o Día do Teatro, e desde este blog non podemos esquecer un día tan importante pois, que ben o pasamos na biblioteca cando facemos teatro!
É por isto que queremos lembrar a unha actriz, que en tempos nos que esta profesión tan fermosa non era moi ben vista, ela triunfou en Francia, país ao que tivo que exiliarse por mor das ideas políticas do seu pai.
Neste país actuou en escenarios de grandes teatros e tamén en películas. Foi tan querida polos franceses que a chegaron a nomear " Cabaleiro da Lexión de Honra". Tamén lle concederon a Medalla Castelao e a Medalla de Ouro ao Mérito nas Belas Artes.
María Casares naceu na Coruña, no ano 1922 e estudiou no Colexio da Grande Obra de A Coruña, que está ao carón do Campo da Leña e na que seguen a estudiar moitas nenas e nenos.
Ela, como moitas outras mulleres, foi abrindo camiño para que hoxe algunha de vós poda dedicarse ao teatro, sen que sexa unha profesión mal vista, mais ben e dunha gran fermosura subir ás tablas dun escenario e poder facer feliz ás persoas durante dúas horas.
FELIZ DÍA DO TEATRO A TODXS!!!
María Casares
Ningún comentario:
Publicar un comentario