NOVIDADES

NOVIDADES
Consulta neste Padlet as novidades da nosa biblioteca.

luns, 21 de decembro de 2020

FELICES FESTAS!!!

Desde a biblioteca queremos desexarvos unha felices e literarias festas. E tamén facervos algunha recomendación de libros para que pidades como agasallo ou para agasallar a outras persoas.

En moitas culturas, nestas datas, os libros son os protagonistas. Coñezamos un destes paises!

ISLANDIA



En Islandia os libros son os protagonistas do día de Noiteboa. Todas as persoas agasallan libros e pasan a noite lendo na compaña dunha taza de chocolate ben quente. Esta boa e fermosa costume recibe o nome de Jólabókaflód(se facedes click na palabra, atoparedes máis información)



E VELAÍ AS NOSAS RECOMENDACIÓNS LECTORAS CON TAZA DE CHOCOLATE!!!


BO  E LITERARIO NADAL!!!








xoves, 17 de decembro de 2020

UNHA PROPOSTA DO RAKONTO VERDE!!!

Sabemos que estás vacacións de Nadal van ser distintas por mor das precaucións que temos que tomar para protexer a nosa saúde e a das persoas que nos rodean, pero iso non impide que poidamos divertinos e facer actividades diferentes e moi interesantes.
Aqui vos deixamos unha proposta de lugares fermosos da nosa cidade que ao mellor aínda non coñecedes ou os que ides pouco. Pois, que saibades, que son lugares ben fermosos.

Velaí tedes oito marabillosos roteiros!





Foto 1- Parque de Sta. Margarida
Foto 2- Parque do Monte de San Pedro.
Foto 3- Parque de Vioño.
Foto 4- Torre de Hércules.
Foto 5- Parque escultórico da Torre de Hércules.
Foto 6- Parque de Bens.
Foto 7- Xardíns de Méndez Núñez
Foto 8- Xardíns de San Carlos. 


        FELICES FESTAS DESDE O RAKONTO VERDE! ATA O VINDEIRO ANO!


martes, 15 de decembro de 2020

XEOGRAFÍAS BIOGRÁFICAS.

As compañeiras e compañeiros da aula de 1ºA, empezan a súa persoal e artística xeografía biográfica coa autora do libro Dez gatiñas viaxeiras, Eva Mejuto. 
Este, divertido e interesante libro, ten unhas fermosas ilustracións de Victor Rivas. 

VELAÍ O SEU FERMOSO TRABALLO...





 

luns, 14 de decembro de 2020

A COMUNIDADE DE BOOKTUBERS DO RC RECOMENDA...

Que mellor para estrear a nosa comunidade de booktubers que empezar con esta recomendación do alumnado de 5ºA de EI.

E o libro é....





 

mércores, 9 de decembro de 2020

XEOGRAFÍAS BIOGRÁFICAS

Ola a todas e a todos! Estades xa buscando a biografía de algunha autora que vos guste moito? Esperamos con ilusión as vosas biografía!

                                      Vos presentamos o cartaz deste proxecto. Esperemos que vos guste!


 


martes, 8 de decembro de 2020

GATIÑAS, PÍNTEGAS E VAMPIRAS. O NOSO PROXECTO DA BIBLIOTECA.




PARA AS ALUMNAS E ALUMNOS DE 1º E 2º

OLA A TOD@S  STOP  SABEDES XA ALGO DA BIOGRAFÍA DA AUTORA Do libro "dez gatiñas viaxeiras?  Stop  como se chama?  stop  onde naceu?  todas as compañeiras e compañeiros do colexio esperan a vosa información!  stop saudos  stop.

luns, 30 de novembro de 2020

RECOMENDAMOS. QUERES SER BOOKTUBER?

Desde a biblioteca, estivemos pensando que sería boa idea crear no noso colexio unha comunidade de Booktubers. Sabemos que sodes moitas e moitos as que ledes libros e unha das cousas máis fermosas que hai é compartir, se ademais o que compartimos son lecturas, moito mellor.

Aqui tedes un vídeo de como ser un/unha boa booktuber. Escoitádeo con atención e cando vos animedes, buscade a Beatriz polo colexio e xa os gravamos para colgalo nos blogues. Podedes facer recomendacións para todas as idades.


ANIMÁDEVOS A FORMAR PARTE DA COMUNIDADE DE BOOKTUBERS DA BIBLIOTECA DO CEIP. RAQUEL CAMACHO!

ESPERÁMOSVOS!!!



domingo, 29 de novembro de 2020

xoves, 26 de novembro de 2020

RAKONTO VERDE. 25N. DÍA INTERNACIONAL DA ELIMINACIÓN DA VIOLENCIA CONTRA A MULLER

 Rematamos esta semana dedicada a lembrar a todas as mulleres que sufriron violencia de xénero e, esperamos que o futuro, do que todas e todos vós formades parte sexa un futuro sen violencia e no que a igualdade de xénero sexa unha realidade.

E, o facemos cunha galega, Ángeles Alvariño. Primeiro podedes escoitar este audio do libro Ardora, e a continuación ler a información que vos deixamos aquí para que a coñezades mellor.

https://drive.google.com/file/d/1IOjGkqYdlXOlIsqKzc9sH2anWxU3gm8j/view?usp=sharing









Ilustración: Antónia Calafat.

Copyright: IEO/FECYT




martes, 24 de novembro de 2020

25 N DÍA INTERNACIONAL DA ELIMINACIÓN DA VIOLENCIA CONTRA AS MULLERES.

Hoxe é un día moi importante, non é unha celebración, é un chamamento para acabar coa violencia contra as mulleres. Para que todas podamos desarrollar a nosa vida en liberdade. Por iso, queremos lembrar a algunhas das mulleres que loitaran por facer un mundo mellor para todas as persoas, sen elas todos estes avances, e moitos máis,  non serian posibles.

Moitas grazas pola vosa colaboración e compromiso!!!





O alumnado de 5º B, preparou este vídeo coa súa persoal e cómplice ollada do 25N
Moitas grazas a todas e todos!!!





luns, 23 de novembro de 2020

RECOMENDAMOS. DÉIXAME SER. 25N.

 Nesta semana, que mellor recomendación que os dous libro de Anaír Rodriguez, con ilustracións de Nuria Díaz. Pioneiras e Pioneiras 2. 

Moitas e moitos de vós xa os coñecedes, pero é importante que lembrar que cando unha muller sofre violencia, tamén perde a oportunidade de ser unha pioneira e axudar a que o mundo sexa un lugar mellor.





domingo, 22 de novembro de 2020

mércores, 18 de novembro de 2020

RAKONTO VERDE. SEMANA DOS DEREITOS DAS NENAS E DOS NENOS.

No Rakonto verde consideramos que un dos dereitos dos nenos e nenas é poder disfrutar do noso planeta e, para iso, temos a obriga de coidalo con moito cariño.

Escoitade!



martes, 17 de novembro de 2020

SEMANA DOS DEREITOS DAS NENAS E DOS NENOS.

 Aquí tedes, por si vos presta, unhas actividades moi chulas para facer entre todas e todos na aula e así coñecer mellor os dereitos dos nenos e nenas.















luns, 16 de novembro de 2020

RECOMENDAMOS. SEMANA DOS DEREITOS DAS NENAS E NENOS.


Hoxe vos recomendamos que leades con atención a Declaración dos Dereitos da Infancia , que establece dez principios:

1. O dereito á igualdade, sen distinción de raza, relixión ou nacionalidade.

2. O dereito a ter unha protección especial para o desenvolvemento físico, mental e social do neno e da nena.

3. O dereito a un nome e a unha nacionalidade desde o seu nacemento.

4. O dereito a unha alimentación, vivenda e atención médicos adecuados.

5. O dereito a unha educación e a un tratamento especial para aqueles nenos e nenas que sofren algunha discapacidade mental ou física.

6. O dereito á comprensión e ao amor dos pais e nais, e da sociedade.

7. O dereito a actividades recreativas e a unha educación gratuita.

8. O dereito para estar entre as primeiras persoas en recibir axuda en calquera circunstancia.

9. O dereito á protección contra calquera forma de abandono, crueldade e explotación.

10. O dereito para ser criado cun espírito de comprensión, tolerancia, amizade entre os pobos e irmandade universal.

A Declaración aprobouse o 20 de novembro de 1959, de maneira unánime, polos setenta e oito Estados que daquela formaban parte da ONU.

domingo, 15 de novembro de 2020

xoves, 12 de novembro de 2020

RAKONTO VERDE

 Os venres, iniciamos o Rakonto Verde, nel atoparedes imaxes, poemas, artigos, recomendacións de libros... que terán relación coa natureza.

Gustaríanos que participásedes enviando os que vos apeteza, sempre que teña relación coa natureza.

Estreamos esta entrada cun texto dun libro que nos gusta moito, velaí o tedes...



e o texto...

VITAMINA N

que flúe coma o zume,

que bate as ás coma paxaro,

que nada coma a balea,

que ouvea coma o lobo,

que se move coma a formiga,

que perdura coma a rocha,

que lostrega coma o raio,

que acaricia coma a brisa,

que molla coma a chuvia

que respira e camiña coma ti...




mércores, 11 de novembro de 2020

XEOGRAFÍAS LITERARIAS

Nesta nova entrada do noso blog, que nace da proposta do lema para este curso por Bibliotecas Escolares: Xeografías Lectoras, imos coñecer algunhas das autoras da nosa xeografía galega, e por iso lle puxemos o nome de " Xeografías biográficas".

Entre todas e todos iremos colocando, nun mapa de Galicia, a vila ou cidade na que naceron as autoras, pero antes teremos que investigar para ir creando ese mapa literario.

Empezaremos pola nosa provincia, A Coruña. Cada curso, ao longo deste trimestre teredes que buscar ou elixir dúas escritoras. Faredes o seu retrato, debaixo escribiredes o seu nome e o título dun dos seus libros. O faredes na computadora e, cando o teñades, só quedará envialo por correo electrónico. As vosas titoras e titores, daranvos no seu momento a dirección do mail.




 

martes, 10 de novembro de 2020

GATIÑAS, PÍNTEGAS E VAMPIRAS. O NOSO PROXECTO DA BIBLIOTECA.

Benvidas e benvidos ao noso novo proxecto da biblioteca que, estamos seguras, será emocionante, interesante, escacharemos coa risa ou botaremos algunha bágoa, a saber!... pero o que si  é seguro e que viaxaremos coa emoción das palabras.

Este curso, os primeiros e segundos de EP, leredes o divertido libro de Eva Mejuto, Dez gatiñas viaxeiras, coas fermosas ilustracións de Victor Rivas, durante o primeiro trimestre. No segundo trimestre os quintos e os sextos leredes Vampira de biblioteca de Ledicia Costas, ilustrado tamén por Victor Rivas. Teremos nós algunha vampira na nosa biblioteca? Haberá que estar vixiantes! E, no terceiro trimestre, os terceiros e cuartos leredes Marta e a píntega de Elí Ríos, con ilustracións de Patricia Román; neste conto, coa súa protagonista, iremos percorrendo o mundo dos contos dun xeito moi especial. Uf! Que intriga!

Mais, como isto de ser lectoras e lectores, é tamén compartir as historias que lemos e coñecer ás persoas que estiveron durante horas escribindo e imaxinando para nós, "as autoras"; teceremos, como se fósemos arañas, unha tea tan grande de xenerosidade e ilusión que levaranos a compartir estas tres lecturas a todo o colexio.

Pero, falando das autoras: Que sabemos delas? Onde naceron? Cal é a súa sobremesa favorita? Teñen na súa casa gatiñas, píntegas ou vampiras? Cal é o seu libro favorito? Terán algunha cando se sentan a escribir? Que libros escribiron?... Para saber todos isto e moito máis teremos que investigar.

Que vos parece se facemos unha biografía de cada unha delas e, como somos moi artístas, lles facemos un retrato, pero non un deses que copiamos dunha fotografía buscada no Google, non, nos imos facer o noso " Retrato imaxinado da autora".

Faremos máis cousas divertidas, pero pouco a pouco, que é como mellor se goza do que facemos. E, este curso, o compartiremos todo no noso blog!

Empezamos, compañeiras e compañeiros de 1ºA, 1ºB, 2ºA e 2ºB! é o momento de empezar a ler o voso conto e saber que  farán esas gatiñas: Viaxar, si, pero seguro que algo máis tamén. Xa sabedes que as gatiñas son moi, moi travesas. 

Empeza a aventura!!!





luns, 9 de novembro de 2020

RECOMENDAMOS


Hoxe, no Recomendamos, temos un libro que imos gozar moito no noso colexio, especialmente a rapazada das aulas de primeiro e segundo.

A súa autora, Eva Mejuto, é moi querida na nosa biblioteca. Os seus libros son dos nosos favoritos: Corre, corre cabaciña; A casa da mosca chosca... 



O libro é...



Dez gatiñas curiosas, rebuldeiras, intrépidas, van coas súas mochilas precorrendo toda Galcia. Ata onde as levará a súa viaxe?

Pois esperamos con ilusión o que nos conten as compañeiras e compapañeiros das aulas de primeiro e segundo.



mércores, 4 de novembro de 2020

XEOGRAFÍAS BIOGRÁFICAS. UN PROXECTO DA BIBLIOTECA DO CEIP.RAQUEL CAMACHO

 

Seguimos a averiguar como facer unha biografía? Velaí o primeiro paso:

- Decidir a persoa sobre a que vas a escribir. Sabemos que ten que ser unha autora, pero temos que escoller unha.

Xa tes a túa?

domingo, 1 de novembro de 2020

Contos Curtos

 Este lugar de encontro que é o noso blog da Biblioteca, Rakonto, empeza a súa nova andaina este curso e, que mellor xeito de facelo que cunha das entradas máis antigas e que máis nos gusta.

Tachan! Tachan! A curta de animación de hoxe, titúlase...

CUERDAS

Nela veredes o importante que é axudarnos e que sempre hai alguén que precisa de nós, só temos que obsevar e ser sensibeis.




venres, 23 de outubro de 2020

BENVIDAS E BENVIDOS!

 Ola a todas e a todos! Un curso máis imos compartir historias, que é unha das cousas que máis nos gusta desde a nosa biblioteca. Mais, este curso, teremos que seguir unhas normas moi importantes para que todas as persoas podamos gozar dos libros e dese espazo común que é a biblioteca do colexio.

Velaí tedes as instrucións para este curso. Lede con atención!






sábado, 13 de xuño de 2020

UNHA CARTA PARA VÓS!

Prezadas lectoras e lectores:

Grazas! Por compartir, por traballar, polas vosas risas, por facer da biblioteca o lugar máis fermoso do colexio. 
Algunhas e algúns de vós, marchades este curso, pero non deste lugar no que as vosas voces, a pegada das vosas mans nos libros, eses letreiros que duran pouco pero contan moito da nosa vida cotiá na biblioteca, xa forman parte de nós para sempre.
Grazas, ás voluntarias e voluntarios polo voso esforzo diario, polo compañerismo, a imaxinación, as aportacións. Sen vós non sería posible! 
Grazas ás familias, por estar sempre dispostas a participar das nosas aventuras con cariño e complicidade.
Tusitalas, grazas por ter o corazón da maxia, atopar tesouros en illas, medrar con Calpurnia, poñervos o pixama de raias para entender a inxustiza, navegar polo mar de Ardora, poñer patas arriba cal Escaquis a Romeu as nosas cabezas e por entender que Fóra do normal é un lugar para todas e todos.
Grazas, a todas as autoras e autores, por pechar o círculo da palabra escrita para nós imaxinar.

Grazas tamén, do Equipo da biblioteca, a todas as compañeiras mestras e mestres do colexio, polo voso apoio, por axudar a tecer esa rede feita de palabras.
Lémonos!


Con todo o noso cariño!


mércores, 3 de xuño de 2020

SOMOS LIMPOS?



Este venres 5 de xuño é o Día Mundial do Medio Ambiente e, desde o noso blog queremos celebralo recomendando libros e colgando vídeos. 
Como ben dí na frase da imaxe, as boas intencións non son suficientes. Si cando imos á praia, temos a boa intención de non deixar o lixo tirado pola area e recollelo para logo tiralo no contenedor, mais non o facemos; a nosa  boa intención non serve de nada.
O planeta necesita que o axudemos, porque nós sin el non poderíamos vivir. Pensade canto gozades cun baño no mar, paseando polos bosques, xogando coa area, vendo as estrelas... a natureza ademais de darnos momentos alegres e divertidos, tamén nos alimenta, é vida, grazas a ela respiramos, medramos... por iso, temos que coidarnos xunt@s.

LEMON




sábado, 30 de maio de 2020

xoves, 28 de maio de 2020

HISTORIAS CON LETRAS GALEGAS

Hoxe rematamos esta entrada de Historias con Letras Galegas. Unha colaboración dos Equipos de Coordinación da Biblioteca e Normalización Lingüística, da que estamos moi satisfeitas.
O facemos cunha autora moi querida no noso colexio e cun libro que deixou moita pegada en todas nós, Corredora de María Reimóndez. Ed. Xerais.

Moitas grazas a María Reimóndez e a todas as autoras e autores que, xenerosamente e con tanto cariño, compartíchedes con nós este espazo nun momento tan especial!




mércores, 27 de maio de 2020

HISTORIAS CON LETRAS GALEGAS

Seguro que cando vexades este vídeo, lembredes a mañá tan divertida e interesante que pasamos @ Tusitalas co escritor Antonio Manuel Fraga e o seu libro Escaquis e Romeu, dous personaxes que xa forman parte da nosa vida como lector@s.

Moitas grazas!!!


luns, 25 de maio de 2020

HISTORIAS CON LETRAS GALEGAS

Hoxe, visítanos unha poeta que fixo un almanaque e a cada mes do ano escribiulle un poema. Ela é Antía Marante Arias e recita para todos vós o poema do mes de decembro. 
Cando volvamos en setembro, terémolo na nosa biblioteca  para que os seus versos nos acompañen cada mes.

Moitas grazas, Antía!



HISTORIAS CON LETRAS GALEGAS

A escritora Emma Pedreira, envíanos este vídeo recitando un dos sus  poemas do libro As voces ágrafas, dedicado ao Club Lector de nais e pais " Café con letras violetas".
Tivemos a sorte de compartir con ela un dos clubs lectores e xa non esqueceremos esa tarde na que as risas, a palabra e a complicidade deixaron unha pegada imborrable na nosa biblioteca.

Moitas grazas a todas as que formades este marabilloso club e a Emma Pedreira polo seu cariño!







venres, 22 de maio de 2020

HISTORIAS CON LETRAS GALEGAS

Hoxe temos a sorte de contar co noso alumno Daniel e un dos seus contos favoritos. Non deixedes de escoitar este vídeo e, como Dani, animádevos a seguir mandando as vosas historias con letras galegas.

Moitas grazas Dani!!!


xoves, 21 de maio de 2020

HISTORIAS CON LETRAS GALEGAS

Que alegría recibir, no noso blog, a poesía e o cariño do autor Antonio García Teijeiro!
O alumnado de 4º de EP, gozaron moito este curso co seu libro Poemar o mar, e nós felices do seu goce coa poesía. A labor de Antonio García Teijeiro a prol da poesía para nenas e nenos, sempre terá o noso agradecemento como lector@s e, a súa cercanía, o noso cariño.
Atent@s alumnado de cuarto, os videos teñen sorpresa!





Aquí tedes os dous vídeos que nos enviou!

Moitas grazas!












martes, 19 de maio de 2020

HISTORIAS CON LETRAS GALEGAS

A ilustradora e escritora Laura Veleiro, visita hoxe o noso Rakonto para contarnos unha fermosa historia, que ten por título O paxariño do limoeiro. Non vos perdades o conto nin as ilustracións!



Moitas grazas! 


HISTORIAS CON LETRAS GALEGAS

Sabedes quen nos visita hoxe no Rakonto, unha autora que tamén é  das mellores contadoras de contos galegas e que tivemos a sorte de escoitar e compartir historias con ela na nosa biblioteca.

Ela é... Charo Pita.

Moitas grazas!






domingo, 17 de maio de 2020

HISTORIAS CON LETRAS GALEGAS

Que sorte temos coas nosas autoras e autores galegos! Elas e eles xenerosos, enviáronvos tantos vídeos que imos seguir celebrando o maio das letras galegas.
Hoxe temos con nós a unha autora que creou presonaxes como Escarlatina ou A Señorita Bubble que xa sempre quedaran con nós.
Nesta ocasión tráenos unha primicia... tachan... tachan... a primeira páxina do seu último libro Vampira de biblioteca, que teremos a sorte de ler o vindeiro curso.



Moitas grazas!




venres, 15 de maio de 2020

HISTORIAS CON LETRAS GALEGAS

Hoxe temos un vídeo moi especial! As mestras e mestres de Educación Infantil quixeron facer a súa especial homenaxe o autor ao que se lle dedican este ano as Letras Galegas, Carvalho Calero. 
Como ides ver, prepararon unha fermosa narración do conto deste autor As pitas baixo a choiva.
E, que saibades que seguiremos este mes de maio, mes das nosas letras, con vídeos de compañeiras e compañeiros, así como doutras autoras.
Así empeza... adiante vídeo!


xoves, 14 de maio de 2020

HISTORIAS CON LETRAS GALEGAS.

No Historias con Letras Galegas de hoxe, temos unha convidada moi especial!

Escoitade, escoitade a Olivia!

Moitas grazas!


mércores, 13 de maio de 2020

HISTORIAS CON LETRAS GALEGAS

Hoxe, no Historias con Letras Galegas temos un conto moi viaxeiro. A súa autora, Eva Mejuto cóntanos un anaco desta historia dunhas gatiñas e, que no vindeiro curso,  saberemos como rematan esta andaina tan divertida e interesante. 
Sabedes que Eva é tamén a autora de A casa da mosca chosca e de Corre corre, cabaciña.
O conto, Dez gatiñas viaxeiras, ten unhas ilustracións moi fermosas do ilustrador Victor Rivas.




Aqui tedes o vídeo que nos envía Eva! 
Moitas grazas!








martes, 12 de maio de 2020

HISTORIAS CON LETRAS GALEGAS

Quen esta hoxe con nós no Historias con Letras Galegas? Xa vos damos unha pista... unha protagonista moi querida... Lea.



Este é o vídeo que fixo para vós a súa autora, Andrea Barreira.

Moitas grazas!






domingo, 10 de maio de 2020

HISTORIAS CON LETRAS GALEGAS

O primeiro vídeo que nos chega ao noso Historias con letras galegas e cheo de enerxía é...




Aquí tedes o vídeo que nos enviou a escritora Elí Rios.

Moitas grazas!!!




xoves, 7 de maio de 2020

HISTORIAS CON LETRAS GALEGAS

Ola a tod@s!

Como xa sabedes o 17 de maio celébrase o Día das Letras Galegas e, por suposto, non imos renunciar á gran festa das nosas letras. Mais, para que unha festa saia ben e sexa divertida, precisamos, como nos libros, de... unha historia que contar, personaxes, lugares... e o temos todo.
Vós, seredes os nosos personaxes; as historias, as temos nos libros; o lugar, o voso fogar, o xardín... e con todo isto, xa veredes a que montamos.
Só tedes que escoller un conto en galego, contárnolo, representalo sos ou coa vosa familia, o que mais vos apeteza. O enviades grabado nun vídeo a esta dirección de correo (ramonparis@edu.xunta.es)  e os colgamos no blog, na páxina web do colexio e nas nosas redes sociais.
Esperamos con ilusión que nos contedes un conto galego que vos guste especialmente! Podedes empezar a enviar XA!

                Que voen os contos, como se fosen bolboretas!



                                          Ilustración de Great- Oharu