PARA PENSAR

As bonecas son para nenas

MULLERES QUE FAN HISTORIA

SOFÍA CASANOVA ( A Coruña,1862 - Poznan, Polonia 1958)

Sofía Casanova, pasaría á historia só pola súa produción literaria, pero chama máis a atención outro detalle da súa biografía: como xornalista foi correspondente de guerra. Cubriu as dúas guerras mundiais e a persecución de @s xude@s por parte dos nazis; ademáis da loita sufraxista no Reino Unido.

Foi membro da Real Academia Galega, entrevistou a Trotsky, as súas crónicas apareceron no ABC e no New York Times. En 1925 o seu nome barallouse entre os candidatos españois ao Premio Nobel de Literatura.

RECOMENDAMOS

Na nosa biblioteca consideramos que non hai idade para ler contos, por iso vos recomendamos "Con tando son tres"  de Justin Richardson e Peter Parnell da editorial Tras os montes.

Gustaríanos que lésedes este conto, e se alguén lle apetece, que pase pola biblioteca para gravar a súa opinión e colgala no blog.

ESPERÁMOSVOS!!!

CONTOS CURTOS QUE CONTAN MOITO

A IGUALDADE DE XÉNERO FUNCIONA

A BANDA DESEÑADA POLA IGUALDADE DE XÉNERO.

A tira cómica de hoxe é de Maitena. Nacida en Bos Aires, pínda que ten ascendencia vasca, é unha "historietista" arxentina, na que a vida da muller ten vital importancia. Os seus libros de banda deseñada están traducidos a varias linguas e seguidos por moitas mulleres.

PARA PENSAR

FAICHE RABEAR PORQUE LLE GUSTAS.

MULLERES QUE FAN HISTORIA

CONCEPCIÓN ARENAL

Concepción Arenal nada en Ferrol o 31 de xaneiro de 1820 é unha das pioneiras do feminismo español, nunca deixou que ser muller supuxese unha desvantaxe. Sempre quiso ser avogada e disfrazouse de home para poder asistir como oínte á Facultade de Dereito, e para participar en faladoiros literarios e políticos. Foi a primeira muller premiada pola Academia de Ciencias Morais e Políticas (presentouse con nome de home) e a primeira muller que recibiu o título de visitadora de cárceres de mulleres. Nos seus escritos, non se cansou de defender o acceso da muller a todos os niveis educativos. A súa cita máis famosa segue de actualidade:" abride escolas e pecharanse cárceres".

(se facedes click no nome, atoparedes máis información sobre Concepción Arenal)

CANCIÓN PARA O DÍA DA PAZ

A CANCIÓN QUE IMOS INTERPRETAR NESTA ACTIVIDADE CONMEMORATIVA TITÚLASE CANTARELA DOS NENOS E, OLLO, DAS NENAS TAMÉN. PARA IR APRENDÉNDOA, AQUÍ TENDES A SÚA LETRA, DE XOSÉ NEIRA VILAS:

Cantarela nosa
de amor e de paz,
sen penchas nin odios,
sen falsa irmandá.

Rolda de sorrisos,
dende mar a mar,
corazóns abertos,
ollos de amistar.

Amiguiños todos,
amiguiños xa,
os nenos de aquí
e os nenos de alá.

Os nenos do mundo
todos a cantar
a unha mesma voz
collidos das mans.

E ESTA É A VERSIÓN EN PICTOGRAMAS:

RECOMENDAMOS

Hoxe no Recomendamos temos unha entrada especial, a visita da escritora María Reimóndez a nosa biblioteca.

Falounos das súas viaxes a un país ao que ela quere especialmente, Ethiopia, e como xurdiu a idea de escribir "Corredora". 

Fixemos con ela un xogo de palabras e imaxes; coñecimos a moitas atletas como Genet, a protagonista do seu libro e gozamos con algunha das historias que nos contou.

Moitas grazas María!!!

CONTOS CURTOS QUE CONTAN MOITO

O CONTO IMPOSIBLE?

É REALMENTE UN CONTO IMPOSIBLE?

A BANDA DESEÑADA NO NOSO PROXECTO

MAFALDA

PARA PENSAR

CHORAR É DE NENAS

MULLERES QUE FAN HISTORIA

MARÍA PITA

María Pita ten unha merecida estatua na praza que leva o seu nome na Coruña. Cando no ano 1589 as tropas inglesas asaltaron a cidade e o alférez inglés que os dirixía matou ao home de María Pita, esta arrebatoulle a lanza e matouno (era o irmán de Sir Francis Drake).

Di alenda que ao berro de "quen teña honra, que me siga" logrou desmoralizar á tropa inglesa e darlle a volta a unha batalla que parecía perdida.

RECOMENDAMOS

Hoxe no Recomendamos vos deixamos un conto en pdf que fala sobre a igualdade de xénero: "La cenicienta que no quería comer perdices". 

Só tedes que premer nesta ligazón.

Non queremos comer perdices!!!

http://www.mujeresenred.net/IMG/pdf/lacenicientaquenoqueriacomerperdices.pdf

CONTOS CURTOS QUE CONTAN MOITO

ZERO

A BANDA DESEÑADA NO NOSO PROXECTO.

MAFALDA

PARA PENSAR.

NON SEXAS MANDONA

OS NENOS NON CHORAN

MULLERES QUE FAN HISTORIA

ISABEL BARRETO (PONTEVEDRA (1587-1612)

A primeira muller que ostentou o cargo de Almirante na navegación española (e a primeira almiranta coñecida do mundo) naceu en Pontevedra. Era de familia nobre, o que lle permitiu estudar (sabía ler e entendía latín), viaxar e facer moitas cousas que entón non podían facer as mulleres.En 1595, acompañaba ao seu marido, almirante, nunha expedición de catro navíos que ía cara ás Illas Salomón: el morreu, pero antes de morrer nomeu á súa muller gobernadora en terra e ao seu cuñado, Lorenzo Barreto, irmán de Isabel, almirante. Cando Lorenzo tamén faleceu, ela tomou o mando. Sofocou motíns e disidencias con man dura e reconduciu a expedición cara a Filipinas con éxito.

CONTOS CURTOS QUE DIN MOITO.

 

"O MALTRATO SUTIL"

QUE OPINADES SOBRE A HISTORIA QUE ACABADES DE ESCOITAR?

BENVIDXS.

Empezamos un novo ano e con el un novo proxecto no que aprenderemos todxs xuntxs. 

Aquí tedes a primeira pista: Por que hai unha "X" nas palabras "todxs" e xuntxs"?

A segunda pista é esta:

Xa sabedes de que trata o noso proxecto?