O 24 DE FEBREIRO CELÉBRASE O DÍA DE ROSALÍA?
Rosalía de Castro é unha das nosas escritoras máis universais. Foi unha gran poeta, e como xa víchedes, moitos dos seus poemas foron levados ao eido da música.
Naceu o 24 de febreiro de 1837 en Santiago de Compostela. Xa de moza pasou un tempo en Madrid onde empezou a publicar as súas primeiras obras e coñeceu ao que logo sería o seu marido, outro importante intelectual galego, Manuel Murguía.
Foi unha gran defensora da muller. Na súa novela " La hija del mar" podemos atopar esta cita no seu prólogo : "Porque aínda non se lle permite ás mulleres escribir o que sinten e o que saben".
Nos seus poemas toca temas moi variados: a paisaxe galega, a choiva, o amor desafortunado, a morte, o paso do tempo, a xustiza ...
Aquí vos deixamos un documental sobre a súa vida e obra de moito interés, para que coñezades a esta importante escritora galega.
Ningún comentario:
Publicar un comentario