É unha marabilla ver como o noso colexio vai asemellándose a unha gran sala de cine. E para mostra...
xoves, 23 de novembro de 2023
martes, 21 de novembro de 2023
ESCENAS DE PELÍCULAS DE TERROR. UN CURSO DE PELÍCULA. O NOSO PROXECTO DA BIBLIOTECA.
Esta escena é a da famosa película de Alfred Hitchcock, Los pájaros. E, imos coñecer algunha curiosidades:
-Usaron 3.200 paxaros amaestrados durante a película.
- Os dos cans que saen ao principio, son do director, Alfred Hitchcock, o que se chama un "cameo". Os seus nomes son Geoffrey e Stanley.
- Cando se estreou a película nos EEUU, ao abandoar o público o cine, asustáronos cos sons de paxaros que saían de altofalantes agochados nos arbustos.
- A protagonista, a actriz Tippi Hedreen, levou o mesmo vestido verde durante toda a película.
- Esta basada na novela "Los pájaros" da autora Daphne Du Maurier.
Pero, que quede claro, que os paxaros son bos, fermosos e necesarios. O cine, é cine!!!
luns, 20 de novembro de 2023
domingo, 19 de novembro de 2023
CURTAMETRAXE 25N
Non hai que confundir o amor co control. O verdadeiro cariño é aquel que respecta o que somos, como somos, con quen estamos e a onde imos.
xoves, 16 de novembro de 2023
BANDA SONORA
Probablemente, unha das bandas sonoras máis famosas da historia do cine de suspense sexa a da película, Psicosis, do famoso director de cine británico, Alfred Hitchcock. As súas películas caracterízanse por ser moi perturbadoras e crear moita tensión no público, sendo recoñecido como un dos mellores directores de cine.
Sen dúbida, o cine non sería o mesmo sen Alfred Hitchcock.
Velaquí a banda sonora da película "Psicosis"!!!
mércores, 15 de novembro de 2023
martes, 14 de novembro de 2023
ESCENAS DE PELÍCULAS DE TERROR (OU NON TANTO)
Hoxe na nosa sección de cine, a escena " El tren fantasma", da película "Los cazafantasmas 2".
luns, 13 de novembro de 2023
domingo, 12 de novembro de 2023
DÍA DAS LIBRARÍAS
O sábado día 11 foi o Día das Librarías, e xa que este curso o noso proxecto está relacionado co cine, aquí vos deixamos un vídeo dunha das librarías máis fermosas do mundo, está en Portugal e chámase "Libraría Lello". E sabedes a quen inspirou para escribir un libro do que logo se fixeron películas? Pois da saga Harry Potter.
A súa autora, J.K. Rowling, estaba vivindo en Oporto (Portugal) cando empezou a escribir os libros, e esta librería foi fonte de inspiración para ela.
Como vedes, o cine e a literatura van, en moitas ocasións, collidos da man-
xoves, 9 de novembro de 2023
mércores, 8 de novembro de 2023
TRABALLO DE CINE NAS AULAS. WORK IN PROGRESS
AS COMPAÑEIRAS E COMPAÑEIROS DA AULA DE 2ºC, XA SABEN QUEN FORON OS IRMÁNS LUMIERE!!!
AS COMPAÑEIRAS E COMPAÑEIROS DA AULA DE 4ºB, ESTÁN A FACER UNHA LIÑA CRONOLÓXICA DO CINE!!!
AS COMPAÑEIRAS E COMPAÑEIROS DA AULA DE 6ºA EI, FIXERON CÁMARAS DE CINE CON PLASTILINA!!!
E, XA PARA REMATAR, MIRADE QUE CABAZA MÁIS CINEMATOGRÁFICA!!!!
martes, 7 de novembro de 2023
SABEDES DE QUE ESCENA É ESTA PELÍCULA? OU INVESTIGAMOS!
ISO SI, NON DEIXEDES DE DUCHARVOS DESPOIS DE VELA...!
De que película é?
luns, 6 de novembro de 2023
HISTORIA DO CINE
Na Francia de 1895, dous irmáns fotógrafos, os Lumière, despois de darlle moitas voltas ao invento do que xa falamos noutra entrada deste blog, o Kinetoscopio, patentaron algo máis revolucionario, o CINEMATÓGRAFO. Este aparato proxectaba a imaxe en movemento e o facía nunha gran pantalla, deste xeito, moitas persoas podían compartir a experiencia do cine ao mesmo tempo.
A primeira película que proxectaron foi " La salida de los obreros de la fábrica Lumière en Lyon" o 28 de decembro de 1895.
Velaí a tedes!
domingo, 5 de novembro de 2023
CURTAMETRAXE ANIMADA
Esta curtametraxe titulada, Vuela, é unha aprendizaxe de amor, empatía e resilencia.
Sabedes que é a resilencia?
A resilencia é a capacidade que temos as persoas para superar circunstancias traumáticas, que nos producen dor, tristura... e é fundamental para ser máis felices. Ás veces podemos conseguilo soas, pero hai ocasións nas que podemos pedir axuda ás persoas que nos rodean para poder superar ese mal momento. Mais tamén é importante intentar adaptarnos ás situacións que non sempre son agradables e ter confianza en que poderemos saír delas, e así, poder voar.
VUELA